Sri Srinivasa Stuti (Skanda Puranam): श्रीनिवास स्तुति (स्कन्दपुराणे) एक सुंदर संस्कृत स्तोत्र है जिसमें भगवान श्रीनिवास (विष्णु के रूप) की महिमा, दिव्यता और भक्तिपूर्ण स्तुति का वर्णन स्कंदपुराण के अनुसार किया गया है। यह स्तुति पाठक को भक्ति-भाव, आध्यात्मिक शांति और ईश्वरीय कृपा की अनुभूति प्रदान करती है।
श्री श्रीनिवास स्तुतिः (स्कान्दपुराणे)
नमो देवाधिदेवाय वेङ्कटेशाय शार्ङ्गिणे ।
नारायणाद्रिवासाय श्रीनिवासाय ते नमः ॥ १ ॥
नमः कल्मषनाशाय वासुदेवाय विष्णवे ।
शेषाचलनिवासाय श्रीनिवासाय ते नमः ॥ २ ॥
नमस्त्रैलोक्यनाथाय विश्वरूपाय साक्षिणे ।
शिवब्रह्मादिवन्द्याय श्रीनिवासाय ते नमः ॥ ३ ॥
नमः कमलनेत्राय क्षीराब्धिशयनाय ते ।
दुष्टराक्षससंहर्त्रे श्रीनिवासाय ते नमः ॥ ४ ॥
भक्तप्रियाय देवाय देवानां पतये नमः ।
प्रणतार्तिविनाशाय श्रीनिवासाय ते नमः ॥ ५ ॥
योगिनां पतये नित्यं वेदवेद्याय विष्णवे ।
भक्तानां पापसंहर्त्रे श्रीनिवासाय ते नमः ॥ ६ ॥
इति श्रीस्कान्दपुराणे वेङ्कटाचलमाहात्म्ये त्रयोविंशोऽध्याये पद्मनाभाख्यद्विज कृत श्रीनिवास स्तुतिः ।
