Sri Kumara Stuti (Deva Krutam): श्री कुमार स्तुति (देव कृतम्) एक दिव्य संस्कृत स्तोत्र है जिसमें भगवान कार्तिकेय/कुमार की महिमा, गुणों और वीरता का भक्ति-पूर्ण वर्णन किया गया है। यह स्तुति पाठक को शक्ति, विजय, भक्ति और मानसिक शांति प्रदान करती है तथा भगवान के प्रति श्रद्धा और समर्पण को प्रोत्साहित करती है।
श्री कुमार स्तुतिः (देव कृतम्)
देवा ऊचुः ।
नमः कल्याणरूपाय नमस्ते विश्वमङ्गल ।
विश्वबन्धो नमस्तेऽस्तु नमस्ते विश्वभावन ॥ २ ॥
नमोऽस्तु ते दानववर्यहन्त्रे
बाणासुरप्राणहराय देव ।
प्रलम्बनाशाय पवित्ररूपिणे
नमो नमः शङ्करतात तुभ्यम् ॥ ३ ॥
त्वमेव कर्ता जगतां च भर्ता
त्वमेव हर्ता शुचिज प्रसीद ।
प्रपञ्चभूतस्तव लोकबिम्बः
प्रसीद शम्भ्वात्मज दीनबन्धो ॥ ४ ॥
देवरक्षाकर स्वामिन् रक्ष नः सर्वदा प्रभो ।
देवप्राणावनकर प्रसीद करुणाकर ॥ ५ ॥
हत्वा ते तारकं दैत्यं परिवारयुतं विभो ।
मोचिताः सकला देवा विपद्भ्यः परमेश्वर ॥ ६ ॥
