Sri Nageshwara Stuti: श्री नागेश्वर स्तुति एक पवित्र संस्कृत स्तोत्र है जिसमें भगवान नागेश्वर (शिव का रूप) की महिमा, शक्ति और भक्तिपूर्ण स्तुति का वर्णन किया गया है। यह स्तुति भक्तों को भक्ति-भाव, आध्यात्मिक शक्ति और शांति की अनुभूति प्रदान करती है।
श्री नागेश्वर स्तुतिः
यो देवः सर्वभूतानामात्मा ह्याराध्य एव च ।
गुणातीतो गुणात्मा च स मे नागः प्रसीदतु ॥ १ ॥
हृदयस्थोऽपि दूरस्थः मायावी सर्वदेहिनाम् ।
योगिनां चित्तगम्यस्तु स मे नागः प्रसीदतु ॥ २ ॥
सहस्रशीर्षः सर्वात्मा सर्वाधारः परः शिवः ।
महाविषस्यजनकः स मे नागः प्रसीदतु ॥ ३ ॥
काद्रवेयोमहासत्त्वः कालकूटमुखाम्बुजः ।
सर्वाभीष्टप्रदो देवः स मे नागः प्रसीदतु ॥ ४ ॥
पातालनिलयो देवः पद्मनाभसुखप्रदः ।
सर्वाभीष्टप्रदो यस्तु स मे नागः प्रसीदतु ॥ ५ ॥
नागनारीरतो दक्षो नारदादि सुपूजितः ।
सर्वारिष्टहरो यस्तु स मे नागः प्रसीदतु ॥ ६ ॥
पृदाकुदेवः सर्वात्मा सर्वशास्त्रार्थपारगः ।
प्रारब्धपापहन्ता च स मे नागः प्रसीदतु ॥ ७ ॥
लक्ष्मीपतेः सपर्यङ्कः शम्भोः सर्वाङ्गभूषणः ।
यो देवः पुत्रदो नित्यं स मे नागः प्रसीदतु ॥ ८ ॥
फणीशः परमोदारः शापपापनिवारकः ।
सर्वपापहरो यस्तु स मे नागः प्रसीदतु ॥ ९ ॥
सर्वमङ्गलदो नित्यं सुखदो भुजगेश्वरः ।
यशः कीर्तिं च विपुलां श्रियमायुः प्रयच्छतु ॥ १० ॥
मनोवाक्कायजनितं जन्मजन्मान्तरार्जितम् ।
यत्पापं नागदेवेश विलयं यातु सम्प्रति ॥ ११ ॥
नीरोगं देहपुष्टिं च सर्ववश्यं धनागमम् ।
पशुधान्याभिवृद्धिं च यशोवृद्धिं च शाश्वतम् ॥ १२ ॥
परवाक् स्तम्भिनीं विद्यां वाग्मित्वं सूक्ष्मबुद्धिताम् ।
पुत्रं वंशकरं श्रेष्ठं देहि मे भक्तवत्सल ॥ १३ ॥
