तुङ्गभद्रा स्तुतिः का संपूर्ण संस्कृत पाठ पढ़ें। पवित्र तुङ्गभद्रा नदी की महिमा, पावनता और दिव्य स्वरूप का वर्णन करने वाली इस स्तुति के श्लोक यहां उपलब्ध हैं।
तुङ्गभद्रा स्तुतिः पवित्र तुङ्गभद्रा नदी की महिमा का वर्णन करने वाली एक दिव्य स्तुति है। तुङ्गभद्रा नदी दक्षिण भारत की प्रमुख पवित्र नदियों में से एक मानी जाती है। इस स्तुति में नदी के पावन स्वरूप, आध्यात्मिक महत्व तथा भक्तों को प्रदान होने वाले पुण्य का वर्णन किया गया है।
तुङ्गभद्रा स्तुतिः
श्रीविभाण्डक उवाच ।
वराहदेहसम्भूते गिरिजे पापभञ्जिनि ।
दर्शनान्मुक्तिदे देवि महापातकिनामपि ॥ १ ॥
वाग्देवी त्वं महालक्ष्मीः गिरिजासि शची तथा ।
प्रभा सूर्यस्य देवेशि मरीचिस्त्वं कलानिधेः ॥ २ ॥
पर्जन्यस्य यथा विद्युद्विष्णोर्माया त्वमेव हि ।
तृणगुल्मलतावृक्षाः सिद्धा देवा उदीरिताः ॥ ३ ॥
दृष्टा स्पृष्टा तथा पीता वन्दिता चावगाहिता ।
मुक्तिदे पापिनां देवि शतकृत्वो नमो नमः ॥ ४ ॥
माण्डव्य उवाच ।
नमस्ते तुङ्गभद्रायै नमस्ते हरिदेहजे ।
नमस्ते वेदगिरिजे श्रीशैलपदभाजिनि ॥ १ ॥
विष्णुमाये विष्णुरूपे विष्वक्सेनप्रियेऽनघे ।
विश्वम्भरे विशालाक्षि विलसत्कूलसम्युते ।
विलोकय विनोदेन कुरु मां विगतैनसम् ॥ २ ॥
त्वद्वातवीजिता भूता विमलाघा भवन्ति हि ।
दर्शनात् स्पर्शनात् पानाद्वक्तव्यं किं नु विद्यते ॥ ३ ॥
दृष्ट्वा जन्मशतं पापं स्पृष्ट्वा जन्मशतत्रयम् ।
पीत्वा जन्मसहस्राणां पापं नाशय मङ्गले ॥ ४ ॥
पुत्रान् दारान् धनं धान्यं पशुवस्त्राणि ये नराः ।
कामान्मज्जनशीलास्ते यान्ति तत्फलमञ्जसा ।
भुक्त्वा यान्ति हरेः स्थानं यावदाचन्द्रतारकम् ॥ ५ ॥
इति ब्रह्माण्डपुराणे तुङ्गभद्रामाहात्म्ये श्री तुङ्गभद्रा स्तुतिः ।
इस प्रकार तुङ्गभद्रा स्तुतिः पवित्र तुङ्गभद्रा नदी की महिमा और आध्यात्मिक महत्व का स्मरण कराती है। श्रद्धा एवं भक्ति के साथ इसके पाठ द्वारा भक्त पुण्य, शुद्धता तथा देवी की कृपा प्राप्त करने की प्रार्थना करते हैं।
