श्री षण्मुख भुजङ्ग स्तुतिः का संपूर्ण संस्कृत पाठ पढ़ें। भगवान षण्मुख (स्कन्द, कार्तिकेय, सुब्रह्मण्य) की महिमा, वीरता और कृपा का वर्णन करने वाली इस पवित्र स्तुति के श्लोक यहां उपलब्ध हैं।
श्री षण्मुख भुजङ्ग स्तुतिः भगवान षण्मुख, स्कन्द अथवा सुब्रह्मण्य स्वामी को समर्पित एक अत्यंत पवित्र स्तोत्र है। इस भुजङ्ग स्तुति में भगवान के दिव्य स्वरूप, पराक्रम, ज्ञान और भक्तों पर उनकी कृपा का सुंदर वर्णन किया गया है। इस लेख में श्री षण्मुख भुजङ्ग स्तुतिः का संपूर्ण संस्कृत पाठ प्रस्तुत किया गया है।
श्री षण्मुख भुजङ्ग स्तुतिः
ह्रिया लक्ष्म्या वल्ल्या सुरपृतनयाऽऽलिङ्गिततनुः
मयूरारूढोऽयं शिववदनपङ्केरुहरविः ।
षडास्यो भक्तानामचलहृदिवासं प्रतनवै
इतीमं बुद्धिं द्रागचलनिलयः सञ्जनयति ॥ १ ॥
स्मितन्यक्कृतेन्दुप्रभाकुन्दपुष्पं
सिताभ्रागरुप्रष्ठगन्धानुलिप्तम् ।
श्रिताशेषलोकेष्टदानामरद्रुं
सदा षण्मुखं भावये हृत्सरोजे ॥ २ ॥
शरीरेन्द्रियादावहम्भावजातान्
षडूर्मीर्विकारांश्च शत्रून्निहन्तुम् ।
नतानां दधे यस्तमास्याब्जषट्कं
सदा षण्मुखं भावये हृत्सरोजे ॥ ३ ॥
अपर्णाख्यवल्लीसमाश्लेषयोगात्
पुरा स्थाणुतो योऽजनिष्टामरार्थम् ।
विशाखं नगे वल्लिकाऽऽलिङ्गितं तं
सदा षण्मुखं भावये हृत्सरोजे ॥ ४ ॥
गुकारेण वाच्यं तमो बाह्यमन्तः
स्वदेहाभया ज्ञानदानेन हन्ति ।
य एनं गुहं वेदशीर्षैकमेयं
सदा षण्मुखं भावये हृत्सरोजे ॥ ५ ॥
यतः कर्ममार्गो भुवि ख्यापितस्तं
स्वनृत्ये निमित्तस्य हेतुं विदित्वा ।
वहत्यादरान्मेघनादानुलासी
सदा षण्मुखं भावये हृत्सरोजे ॥ ६ ॥
कृपावारिराशिर्नृणामास्तिकत्वं
दृढं कर्तुमद्यापि यः कुक्कुटादीन् ।
भृशं पाचितान् जीवयन्राजते तं
सदा षण्मुखं भावये हृत्सरोजे ॥ ७ ॥
भुजङ्गप्रयातेन वृत्तेन क्लुप्तां
स्तुतिं षण्मुखस्यादराद्ये पठन्ति ।
सुपुत्रायुरारोग्यसम्पद्विशिष्टान्
करोत्येव तान् षण्मुखः सद्विदग्र्यान् ॥ ८ ॥
इति श्रीशृङ्गेरि शारदापीठ जगद्गुरु श्रीचन्द्रशेखरभारती स्वामिभिः विरचितं श्रीषण्मुख भुजङ्ग स्तुतिः ।
इस प्रकार श्री षण्मुख भुजङ्ग स्तुतिः भगवान षण्मुख की महिमा का गुणगान करने वाला एक दिव्य स्तोत्र है। श्रद्धा एवं भक्ति के साथ इसके पाठ द्वारा भक्त साहस, ज्ञान, सफलता तथा भगवान की कृपा प्राप्त करने की प्रार्थना करते हैं।
